Mihi Mai, Mihi Atu

He ara pai ki te hauora te manaakitanga me te tūhonotanga ki tētahi atu.

Mā te ngohe nei e ako ai ngā tamariki ki te tuku, ki te riro hoki i te mihi i raro i te āhua pāreka, i te whakahihiko, i te āhua here kore hoki.

Ehara i te mea ka riro anake i te tamaiti tētahi mihi whakapiki kiritau, ka whakamahara hoki ngā ākonga ki te noho mārire, ki te mihi hoki i tangata kē.

Mō te tūpono me whāki atu ki ngā tamariki he tapu te māhunga, kia kaua hoki e pātia te māhunga o tētahi atu.

He pai pea kia oti i a koutou te ngohe Pānui Whakaahua Mihi (Compliment poster activity) i mua i tō tākaro i tēnei ngohe, kia mārama ai ngā tamariki, kia whai wahi anō ai hoki rātou ki te tuku mihi.

I mua hoki pea i te tākaro, me hoki anō ki:

• He aha te mihi? Te tuku i te kōrero pai.
• He aha ngā momo āhua o te tangata me whakamihi? Ki te āwhina ki a koe ki tēnei ngohe, me whakarārangi ētahi whakautu kē ki te papa tuhituhi. (Hei tauira: ko te waiaro, he toki te tangata ki tētahi mahi, he tangata whakakata, he hoa pai, he ngākau māhaki, he ihuoneone te mea, te mea.)
• He aha te rerekētanga o te mihi ‘tūturu’ i te mihi kirimoko? Ko te mihi kirimoko, he mihi ki tētahi āhuatanga e kitea ana e wai rānei, mō te tangata ka whakamihia, (hei tauira: “He pai ō makawe”. Ko te mihi tūturu, he mihi nāu ake i tētahi āhuatanga o taua tangata he tūturu nei tō mīharo mōna, ā, he mea e mōhio anake i tētahi e mōhio pai ana ki taua tangata, hei tauira: “Ki te kapa haka, mīharo pai ana au i tō karawhiu mārika i ngā mahi-ā-ringa”.)
• Me aha tā te tangata ki te tuku i te mihi tūturu? He mihi i tuku nō tō manawa, he tūturu te kupu, he tūturu ō kare-ā-roto, motuhenga ana tō tuku, mā reira ka piki te wairua o te tangata kua whakamihia.
• Me pēhea e riro ai te mihi? He mea whakapiki wairua! Me whakamanahau!

I roto i te akomanga, me hoki atu ki te kōrero mō ngā mihi (ki runga), kātahi ka puta ki waho!

Ki te tākaro i te ngohe:

• Hei tīmatanga, tohua kia kotahi, kia rua rānei ngā tāngata.
• Ka pā ana te tangata ki tētahi atu ka karangahia “KIA TAU!”, a ka tau te katoa ki te whakarongo ki te mihi.
• Kua tukuna te mihi, ka whakahokia te tangata kua mihia ki te korero “Tēnā koe!” ka paki rima atu ki te kaimihi, ā, ka omaoma haere anō rātou.
• Ki te hiahia: Ka kī atu, e kore e whakaae te pā anō i te tangata kātahi anō ka pā mō ngā hēkona e toru, mō muri mai i te paki rima, kia whai wāhi ai te tangata kua mihia ki te puta.

He whiringa pāngarau!

Me tuku mihi mai i te hōmata!

Ka hangaia e ngā tamariki he hōmata me ngā tohutohu māmā o te whētuitui (origami) pēnei nei. Katahi ka whiria tētahi kaimihi me he tamaiti anō kia tuhia te kaimihi he mihi mō tērā atu tamaiti, ka kapia te hōmata ki te nui o ngā mihi e taea. Me whakahoahoa ngā tamariki kia kaua e wairuatoa tētahi. Ka tonoa rānei ngā tamariki ki te noho ki te porowhita, ka hangaia he kōmata, ka tuhia tō rātou ake ingoa ki runga, kātahi ka tukuna ki te tangata ki te taha matau, ā, ka huri ngā kōmata i te porowhita e kohikohi mihi ana mai ia ākonga. Ka tata hoki ana te hōmata ki tōna kaihanga, tukuna rātou kia puta ki waho, ka whakarewa te hōmata kia hoki anō ai ia ki tōna kaihanga.

Me noho rātou ki te pātītī ki te pānui i ngā mihi, i a rātou e pāinaina ana hoki

I puta te whakaaro nei i ngā tauira taiea o HLED122 2021 ki Te Whare Wānanga o Waitaha. Kātahi nei te mihi whakamānawa i tēnei tāpiringa whakarekareka.

He mihi, he rārangi whakarau - Kātahi nā ngā hoa pai!

E mōhio ana mātou ko te Pouaka-ketekete (Chatterboxes) tētahi taputapu āwhina ki te ako i te rārangi whakarau. Tāpirihia he mihi rānei he mahi maimoa rānei hei tohu whakamutunga:

• Mīharo ana tō mahi! - Tukuna he mihi
• Kātahi nā te pai! - Me āwhina atu ki tētahi mō te rima mineti.
• Ka rawe! - Me menemene atu ki tētahi
• Wana nei! - Me whāki atu ki tētahi he tino mīharo rātou, me te take i mīharo ai rātou.

He whakaaro ataahua tēnei i waihangahia e Zoe Raines i tana akoranga HLED122 ki Te Whare Wānanga o Waitaha.

He whakaaro anō ki te whakaroa i te ngohe Mihi Mai, Mihi Atu:

Whakaritea he Pānui Whakaahua Whakamihi (Compliment posters) o ka titiro rānei ki te ngohe, Te Atawhai o ia Rā (Everyday kindness).

Tirohia tēnei rauemi mīharo nā He Whetū Kōreko ki te Kāinga How to help kids be grateful and kind