Ko te aro ki te ngā tētahi tikanga whai hua, tētahi tikanga māmā ki te whai whakaaro, ki te whakatau mauri. Ki te tāpiri mai he mahi-ā-ringa māmā, he pai ake anō.
He ngohe whakangā māmā a Hikitia te Hā ahakoa ko wai koe. Ki te mahi i Hikitia te Hā i ia rā, me te aro ngākaunui nei ki te kaupapa, ka oho pai ake koe ki te hā, ā, ka tau rawa ai tō mauri.
Uia ngā tamariki mō ngā ara e whai ai i a rātou ki te whakatau i ō rātou mauri.
Whakamihia aua kōrero, he ara pai aua mahi katoa kua tohaina mai.
Me kī atu: Ko te nohopuku mō tētahi wā paku noa i ia rangi, he ara whai hua kia oho pai ai koe ki ō mahi, ki ō piropiro hoki.
He ngohe whakangā māmā a Hikitia te Hā, ka āwhina atu ki a koe ki te whakaoho i tō hinengaro, ki te whakatau hoki i tō wairua. I a koe e oho ana ki tō hā, mā Hikitia te Hā koe e whakaoho ki te wā me te wāhi e noho ai koe, ā, ka whakatau hoki i tō mauri.
Ko tā mātou, me whai i te raupapa ki ngā tamariki, engari kia kaua e āta whakamōhio atu ki a rātou. Ka tīhohe pea i te tīmatanga, engari i te nuinga o te wā ka whakaū mai ngā tamariki, ā, mō te ohorere hoki hei te mutunga o Hikitia te Hā ka tau kē ō rātou mauri (i tērā āhua o ō rātou mauri nō te tīmatanga o te ngohe).
Anei te kiriata, me tīmata!
Ko tā mātou, me hokihoki atu ki tēnei ngohe i a koe e pīrangi ana ki te whakatau i te mauri o ngā tamariki. Kua rongo kōreo mātou mō ētahi ākonga ka mahi noa ko rātou anake… ka pai.
Kia āwhina ki a koe kia kaua e takeo, kua whakakiriatahia e All Right? e toru anō ngā kiriata Hikitia te Hā. Whāia hoki ēnei kiriata ki raro iho nei.
Kei tō mātou paetukutuku whānau, he tuhinga mō ngā tāngata kei roto i ēnei kiriata me ō rātou ara whakahono ki tō rātou ahurea, mā te taiaha, mā te tai kōiri, mā te pū-āio hoki. Ā, ka kōrero hoki rātou mō te whakaohonga ā-hinengaro, te whakataunga ā-mauri, me te whakaūhanga ō-harikoa i ō rātou ao:
Ki te whakaaro koe, ka whai hua a Hikitia te Hā ki ngā whānau, tēnā, pūruatia te kōrero e whai nei ki tētahi īmēra ki tō hōtaka mahi-kāinga rānei hei whakatakinga.
I roto i te akomanga i te whai mātou i ngā mahi a Hikitia te Hā (he ngohe whakangā nō te ao Māori) nā te mea he rautaki tino pai ki te whakatau i ō mātou tinana, i ō mātou hinengaro, ā, i ō mātou mauri hoki. Ko te māramatanga o te hiranga whakangā ka puta, e ārahi ana i ā mātou whakahaere o ō mātou kare-ā-roto nui - i te mea e mōhio nei tātou he mea whakahirahira hoki ki a tātou ngāi pakeke.
Kei a He Whetū Kōreko ki te Kāinga (Sparklers at Home) taua ngohe, Hikitia Te Hā, i te whakamātau mātou i roto i te akomanga, hei ngohe e taea ki te kāinga. Pai katoa mēnā ka whakamātauria e koe ki te taha o tō tamaiti, e mōhio kē ana rātou me aha, nā reira ka tino harikoa rātou ki te arataki i a koe ki te kaupapa nei.
