SPARKLERS / Ready for learning

Ngoi Pīrori

He ngohe hei whakaaro, hei āta whakariterite hoki i ngā taumata ngao.
Back to all activities
Click here to read this activity in English
UNDERLYING CONCEPTS:
LEARNING AREAS:

He aha ai? – He aha mātou i rata ai?

Arā ētahi tamariki he tou tīrairaka. E rata ana rātou ki te oma, ki te peke, ki te piki hoki - ko te noho tau kē te tino wero! Arā anō ētahi kua mauri tau, ka aro atu ki ngā ngohe tau ai te noho.

Ko tā tēnei ngohe he āwhina i ngā tauira ki te whakamahi i ō rātou ngao hei hua, ki te ako rautaki hoki hei painga mō ngā horopaki rerekē. He whakatakinga pai tēnei ki ērā kē atu o ā tātou ngohe ngao.

He tīwhiri tikanga

Mō te tūpono noa, mā te aha i te whakamōhio i āu tamariki kia kaua e pā i te upoko o tangata kē atu. He tapu te upoko. He tikanga hoki kia kaua ngā tamariki e okioki ō rātou upoko ki runga i ngā aupuru me ngā pēke pīnī e noho ai te tangata. Ki te hiahiatia, whakamahia he pira motuhake (whētuia rānei he poraka) mō te upoko anake.

Kōrero

He mea tino whai take te ngao. Ko tāna, he āwhina i a tātou ki te whakarongo, ki te whakapaepae, ki te hāereere, ā, ki te whakaoti mahi hoki. He pēnei anō tātou i te tai o te moana, he wā tōna ka pari, he wā tōna ka timu. I ētahi wā e pari ana te ngao, ā, i ētahi atu wā e timu atu nei. Nō reira, ki te whakapaua he ngao, me kimi huarahi tātou kia purea anō ai.

  • E pēhea ana tātou i a tātou e hikohiko ana? Whakaihiihi ana, hoihoi ana, toritori ana.
  • Ka pēhea tātou ka ngoikore ana? He ngenge, he wahangū, he waikamo, he pukuriri.
  • Ka pēhea mēnā e ngenge ana tātou, ā, e hikohiko ana a tētahi atu?
  • Ka pēhea mēnā e tino hikohiko nei tātou, ā, e ngenge ana a tētahi atu?
  • Ko tēhea te wā pai ki te whakaatu i tō hikohikotanga? Ngā wā kēmu, whutupōro, pā, te mea, te mea.
  • Ko tēhea pea te wā, kia iti iho te ngao? I mua i te wā moe, i te whare pukapuka, i te whare pikitia, te mea, te mea.

Hei mahi - Me aha

Kōrerotia ā tātou Kōrero Hiko ki te akomanga, kātahi ka tuhi ai i tētahi tūāwhiorangi ki te papamā. He ngoikore te 1, ā, he hikohiko te 5. (Tuhia he pikitia mō ngā tauira pakeke iho.)

Kōrero mō te āhua pea o ia nama:

  1. E moe ana, e takato ana ki te papa, kāore i te oreore.
  2. E noho ana, e pānui pukapuka ana, he tau rawa ana te kuku.
  3. E tū ana, kei te paku neke i ngā ringa, e whakamakaka ana, e noho tahi ana ki ētahi tāngata.
  4. Ngangahau: E hīkoi ana, e kanikani ana, e pakipaki ana ngā ringaringa, māori noa nei te kuku, e kōrero ana.
  5. Uekaha! E pekepeke ana, e hoihoi ana, ka paki rima atu ki te tangata, e pōwhiriwhiri ana ngā ringaringa i runga ake i te māhunga.

Kātahi ka whakarite he wāhi kia whakaarihia ngā tamariki i ia nama. Ka tīmata i te 1, tae ki te 5, ā, ka hoki ki te 1. Ka kitea te tirotiro o ngā tamariki ki a rātou anō ki te kite atu, mē pēhea hoki rātou.

I a koutou e whakakao anō, me tuku ngā pātai:

  • I pēhea?
  • I pēhea tātou i mōhio ai me pēhea te whakatinana i ētahi tūāhua rerekē? Ka titiro atu ki ētahi atu, ā, ka whai i te momo ngao, i te taumata o te ngao e tukua ana. (Kōrerohia tō kite i tā rātou mahi pēnei).
  • Ka aha tātou mēnā e tino uekaha ana (5), ā, ka kuhu atu ki tētahi taiwhanga tau (2)? Ka ngā ki te whakatau i te mauri, ka pānui pukapuka noa iho rānei. Ki te hiahia kia whakapaua he ngao, me puta pea ki te oma, ki te pekepeke rānei.
  • Me aha mēnā e ngenge ana mātou (2), engari, e hiahia ana kia piki i te kaha (4)? Ka whakamakaka pea, ka peke whetū, ka puta ki waho ki te ngā i te hau ora, ka kai rānei i tētahi kai hauora.

He pai tēnei hei ngohe whakamahana - Ka whakamahia rānei ngā nama ki te taki atu i te taumata o te ngao e tika ana ki ētahi mahi rerekē. Hei tauira: “Me taumata 3 te ngao ki tēnei ngohe.”

Ka whakamahia hoki ngā nama ki te āwhina atu ki ngā ākonga ki te whakapiki rānei, ki te whakaheke rānei i ō rātou kaha. Hei tauira: “Pene, kei te taumata tuawhā koe, engari he pai kē te taumata tuarua ki tēnei ngohe. Me wau kē tō hoiho?” (Māu rānei ētahi tīwhiri, ētahi kupu āwhina e tuku atu ki a ia - mā tētahi mahi hihiko whakapau kaha, mā tētahi ngohe rānei e whakatau ai tōna mauri.

He aha e whai nei?

Ka whakamahia hoki taua tūāwhiorangi tonu ki te whakaako atu ki ngā tamariki ki te whakatau i ō rātou mauri. Hei tīmatanga, me whakarite te tūāwhiorangi 1-5 me ngā kare-ā-roto. Hei tauria: ki te kare-ā-roto “hūrere”, tērā pea ko te 1 ko “tau”, ko te 5 ko “pūkahukahu”.

Ki te torotoro atu ki ngā kare-ā-roto me ākī ai ngā tamariki ki te whakarongo ki taua kare-ā-roto ki roto i ō rātou tinana. Ki taumata 2 pea he poi iti pea te kare-ā-roto nei ki roto i te uma, i te puku rānei, ā, ka tupu, ka rea mai i reira.

Me mātua whakarite ki ia kare-ā-roto, ka tīmata ka whakaoti ki te āhua tau, mā konei ka ako ngā ākonga ki te whakatau i a rātou anō nō tētahi kare-ā-roto kakati.

Ki te whakaako i te āhua tau, me tīmata ki Ngā Whakapakoko e Moe Ana (Sleeping statues), ka piki atu ki Hā Ki Roto, Hā Ki Waho. Ki te whakahihiko me tākaro i tētahi o ā mātou ngohe, Ready For Learning.

He Whetū Kōreko ki te Kāinga/ Sparklers at Home

Ki te whakaaro koe, ka whai hua te Ngoi Pīrori ki ngā whānau, tēnā, pūruatia te kōrero e whai nei ki tētahi īmēra ki tō hōtaka mahi-kāinga rānei hei whakatakinga.

I roto i te akomanga, i te titiro mātou ki te piki me te heke o te ngao - e pēhea ana te tūtohu, te rongo hoki i te ngao ō rātou ki ō mātou tahataha, te whakarite ō mātou ngao kia tika ki te mahi e mahi ana mātou, ā, ka pēhea te whakahihiko i a mātou, ka pēhea rānei te whakatau i o mātou mauri.

Kei a He Whetū Kōreko ki te Kāinga (Sparklers at Home) tēnei ngohe, ko Ngoi Pīrori, i te whakamātau mātou i roto i te akomanga, hei ngohe e taea ana ki te kāinga. Pai katoa mēnā ka whakamātauria e koe ki te taha o tō tamaiti, e mōhio kē ana rātou me aha, nā reira ka tino harikoa rātou ki te arataki i a koe ki te kaupapa nei.

Looking after you

Check out our top tips for surviving, thriving and bringing your A-game!

Learn more